Repasamos no verán.

 Poño a disposición das familias este material que  creo que é bastante práctico e está adaptado ao aprendido ao longo do curso. Recomendo que programen un tempo diario para que os/as nenos/as poidan repasar os contidos do curso e así afianzalos evitando que esquezan o aprendido.
 A continuación amosamos as actividades recomendadas que poden realizar durante o verán.
 Dentro da área de Lingua poden descargar e imprimir actividades de reforzo dos contidos de Terceiro e  actividades de comprensión lectora.

 Para reforzar e repasar Matemáticas, tamén poden descargar e imprimir fichas de reforzo de contidos, de problemas, de táboas , de cálculo e de problemas.

 

 

EXPOSICIÓN:OFICIOS DO MAR.

   Aquí podedes lembrar cómo foi a exposición de imaxes de  persoas con profesións relacionadas co mar ( redeiras, mariscadoras, pescadores, vendedoras...) que montamos no cole. O alumnado puido ver cómo se traballaba antigamente e comparar cómo eran as vestimentas ou as ferramentas utilizadas fai moitos anos coas de hoxe en día.

O SABOR DA AVENTURA ESTÁ NO MAR.

Aquí tedes un vídeo resumo da excursión que fixo 2º,4º e 5º a Poio, para poder disfrutar dunha xornada coas mariscadoras da zona,onde o alumnado aprendeu moitas cousas como qué tipos de ameixas hai, cales se poden coller,qué ferramentas se utilizan, cómo se seleccionan segundo o seu tamaño e cal e o proceso que se segue dende a súa recollida ata a súa venta. Visitamos tamén a lonxa de Campelo para ver cómo se subastaban as capturas do día e por último puidemos degustar un menú elaborado con produtos do mar que estaban deliciosos.Que ben o pasamos! Oxalá en vindeiros cursos poidamos repetir xa que foi toda unha experiencia.

Sumas levando

Esta semana comezamos a traballar as sumas levando. Resultáronnos bastante fáciles, pero por se nos esquecemos de cómo se resolvían aquí vos deixo un vídeo para refrescar a memoria.

Agasallo sorpresa!!!

 

 Queremos agradecer o detalle que tivo Sara de traernos uns agasallos polo seu aniversario,pero sobre todo á súa nai que foi a que os elaborou ,menudo traballo!Encantounos e de seguro darémoslle un bo uso.Grazas outra vez.

Aprendendo unha nova técnica.

 Na clase de plástica aprendemos unha nova técnica de debuxo chamada esgrafiado. Trátase dunha divertida maneira de facer debuxos descubrindo a cor oculta baixo a superficie. Soa complicado pero é realmente sinxelo. Realizando esta actividade , os nenos divírtense, desenvolven a súa creatividade e exploran diferentes formas de facer arte.

MAGOSTO 2016

O xoves 10 de novembro celebramos no cole o magosto.Como todos os anos, asamos castañas e despois xuntámonos todos os cursos para disfrutar da merenda. Agardamos que esta tradición non se perda nunca.Aquí tedes algunhas fotos dese día.

magosto 2016 - Kizoa Editar Videos - Movie Maker